25N

No 25N lembramos que a loita contra a violencia machista é responsabilidade de toda a comunidade educativa. Desde a ANPA queremos reforzar a importancia de educar no respecto, na igualdade e no bo trato cada día, para que o noso alumnado medre en liberdade e sen violencias.

Campamento de Nadal 2025/2026 no CEIP A. R. Castelao

Un ano máis, a Asociación Deportiva As Mariñas, en colaboración coa ANPA do CEIP Alfonso Rodríguez Castelao, organiza o Campamento de Nadal nas instalacións do colexio.

Os días de actividade serán:
🗓️ 22, 23, 24, 26, 29 e 30 de decembro de 2025, e 2, 5 e 7 de xaneiro de 2026.

Durante estas xornadas, as nenas e nenos poderán gozar de obradoiros creativos, receitas de Nadal, xogos populares, festa de pre-fin de ano, pintacaras, panxoliñas, visita máxica, elaboración de cartas e moito máis.

📍 Lugar: CEIP Alfonso Rodríguez Castelao (Rúa Paraíso, s/n, Ordes)
📞 Contacto: 610 225 953 — 📧 uxia.asmarinhas@gmail.com
👉 Formulario de inscrición: Preme aquí

Aínda que o campamento se desenvolve no colexio, pode participar calquera neno ou nena da contorna.

🕘 Horarios e servizos

• Actividades principais: 9:00 a 14:00 h

• Servizo de madrugadores: 8:00 a 9:00 h (pódese traer almorzo nun tupper)

• Servizo de comedor: 14:00 a 15:00 h (comida nun tupper, con neveira e microondas dispoñibles)

💶 Prezos

• Día solto: 7 €

• Campamento completo: 55 €

• Madrugadores: 2 €/día

• Comedor: 2 €/día
  (Seguro de accidentes e responsabilidade civil incluído)

ℹ️ Condicións

• Actividade dirixida a alumnado de Educación Infantil e Primaria.

• É preciso un mínimo de 10 participantes para realizar a actividade.

• Confirmarase a admisión por correo e o pagamento será por domiciliación bancaria.

En caso de non acadar o mínimo de participantes nalgún día (especialmente o 24 e 30 de decembro), non se levará a cabo o campamento esas datas.

---

Nota: A ANPA actúa só como enlace entre As Mariñas e as familias. A organización corre a cargo de As Mariñas, e a Xunta de Galicia cede unicamente as instalacións do centro.

Obradoiros pola igualdade no CEIP Castelao

 

Entre o 18 e o 26 de novembro de 2025, o alumnado do CEIP Castelao de Ordes participará en diversas actividades coeducativas en horario lectivo centradas na promoción da igualdade e a prevención da violencia de xénero.

A través de xogos musicais, cancións, baile, radio e redes sociais, o alumnado traballará valores de respecto, corresponsabilidade e convivencia igualitaria dun xeito lúdico e participativo.

Estas actividades son organizadas pola ANPA do CEIP Castelao grazas á financiación conseguida coa axuda SI449B - Axudas dirixidas a asociacións de nais e pais do alumnado de centros educativos de Galicia, convocada pola Dirección Xeral de Promoción da Igualdade e financiada polo Pacto de Estado contra a Violencia de Xénero.

🎃 HALLOWEEN CAMPA NO CEIP CASTELAO 👻

 Boas tardes, familias!

O noso próximo campa xa está aquí!! Así que… a que estades agardando para anotarvos? 😝

Temos preparados dous días terroríficos, cheos de actividades para pasalo de medo 💀:
🕸️ Obradoiros de manualidades
🎭 Festa de disfraces
🔥 Magosto
🎨 Pintacaras
🎯 Xogos populares
🎶 Música

📅 Venres 31 de outubro e luns 3 de novembro de 2025
📍 CEIP ADR Castelao (Ordes)

🕗 Madrugadores: de 8:00 a 9:00
🕘 Campamento: de 9:00 a 14:00

💰 Prezos:

• 1 día → 7 €

• 2 días → 13 €

• Madrugadores → 2 €/día

📞 Contacto: 610 225 953
📝 Inscrición a través do formulario online:
👉 https://forms.gle/f77yrSCd2RBtvGmp7

Organizan: ANPA CEIP Castelao & A.D.C. As Mariñas

Solicitude de axudas para material escolar – Concello de Ordes

A ANPA informa que está aberto o prazo para solicitar as axudas de material escolar ofrecidas polo Concello de Ordes. Estas axudas están destinadas a apoiar ás familias no gasto de material escolar dos seus fillos e fillas para este curso académico.

📅 Prazo de inscrición: ata o 17 de outubro.

ℹ️ Máis información e inscrición: Facebook do Concello de Ordes

Recomendamos ás familias interesadas que non agarden ata o último día para presentar a súa solicitude e que revisen todos os requisitos necesarios para poder beneficiarse desta axuda.

Fai parte da ANPA: xuntos sumamos máis! 💪📚

Queridas familias,

Lembrámosvos a importancia de facerse socio/a da nosa ANPA. Cada familia que se une supón moito máis que unha cota anual de 20 € por familia:

✅ Canto máis socios/as sexamos, máis posibilidades temos de conseguir axudas e subvencións da Xunta e da Deputación.
✅ Eses recursos económicos repercuten sempre no centro, xa sexa en actividades para o alumnado, material educativo ou melloras nas infraestruturas do colexio.
✅ Estar na ANPA é unha forma sinxela e directa de colaborar no día a día da escola dos nosos fillos e fillas.

👉 Podedes facervos socios/as cubrindo este formulario:
Formularios de inscrición á ANPA

Ademais, lembrámosvos que contamos cunha lista de difusión por WhatsApp para que non vos perdades ningunha novidade. É moi doado: só tedes que enviarnos unha mensaxe ao número +34 604 08 85 87 pedindo unirse.

Entre todas as familias podemos seguir facendo do noso colexio un espazo mellor para aprender e medrar.
Anímate a colaborar coa ANPA! 🌟

ACTIVIDADES EXTRAESCOLARES ANPA CASTELAO 25/26

 

Podedes acceder ao formulario premendo no seguinte enlace: https://forms.gle/63KLKbQVUiQrGPQi9

II ACAMPADA INTERNA ANPA CASTELAO

 

Podedes acceder ao formulario premendo no seguinte enlace: https://forms.gle/iCLQGJkxki7BSLbT9

 

✅ A ANPA DO CEIP ADR CASTELAO CONTA UN ANO MÁIS CO PLAN CORRESPONSABLES DA XUNTA DE GALICIA

Desde a ANPA do CEIP ADR Castelao temos o pracer de anunciar que nos foi concedido o Plan Corresponsables da Xunta de Galicia para este curso 2025/2026, incluído o verán de 2025. Esta achega económica da Xunta, a través da Consellería de Promoción do Emprego e Igualdade, permítenos financiar actividades de conciliación destinadas ás familias socias da ANPA, contribuíndo a que sexan máis accesibles para todas e todos. 🙌 Que actividades se beneficiarán deste apoio? 🔹 Campa de Verán 2025: O tradicional campamento organizado pola Asociación As Mariñas, en colaboración coa ANPA, poderá contar cun prezo reducido para as familias socias, grazas á subvención directa do 50% nos custes (xa aplicado nos prezos publicados). 🔹 Actividades de conciliación ao longo do curso: Obradoiros, días sen cole, campamentos en períodos non lectivos, e outras iniciativas que axuden á conciliación familiar e laboral. 💬 Que é o Plan Corresponsables? O Plan Corresponsables é unha iniciativa da Xunta de Galicia en colaboración co Ministerio de Igualdade do Goberno de España, que ten como obxectivo facilitar a conciliación das familias, especialmente das nais, ao tempo que promove a igualdade, a corresponsabilidade e o acceso a servizos de coidado para nenos e nenas menores de 16 anos. 🧾 Compromiso da ANPA Desde a ANPA seguimos traballando para achegar recursos ás familias, mellorar a conciliación e ofrecer actividades seguras, educativas e divertidas para os nosos nenos e nenas. A concesión do Plan Corresponsables é un respaldo a este traballo conxunto. Aproveitamos para agradecer á Xunta de Galicia a súa colaboración e a todas as familias socias que, co seu apoio, fan posible que este proxecto medre ano tras ano. 🔗 Para máis información sobre o Campa de Verán e outras actividades, visita as nosas entradas anteriores no blog ou contacta connosco directamente.

📣 ÁBRESE O PRAZO DE INSCRICIÓN PARA O CAMPA DE VERÁN 2025 NO CEIP ADR CASTELAO

Desde a ANPA do CEIP ADR Castelao animámosvos a participar no Campa de Verán 2025, que se desenvolverá nas instalacións do colexio dende o 23 de xuño ata o 5 de setembro, ambos incluídos. Un verán cheo de diversión, aprendizaxe e conciliación! Aquí tedes toda a información: https://forms.gle/jr7R3XFoMacFGefM9

Este campamento está organizado pola Asociación Deportiva e Cultural As Mariñas, en colaboración coa nosa ANPA, e conta co apoio do Plan Corresponsables da Xunta de Galicia, que subvenciona parte das actividades co obxectivo de facilitar a conciliación familiar e laboral durante os meses de vacacións escolares.

🧒 A quen vai dirixido?

A rapazada de Educación Infantil e Primaria, agrupada por idades semellantes para garantir unha mellor dinámica de grupo.

⏰ Horarios e servizos:

• Entrada: 9:00 h (con opción de madrugadores dende as 7:30 h)

• Saída: 14:00 h (ou ás 15:00 h se se emprega o servizo de comedor)

• Madrugadores e comedor: Posibilidade de asistir días soltos ou semanas completas, traendo o almorzo ou comida en táper.

🎨 Actividades:

• Excursións

• Días de piscina

• Actividades lúdicas, deportivas e artísticas

• Obradoiros creativos

• Xogos cooperativos e máis sorpresas!

💰 Prezos especiais para socios/as da ANPA (xa incluído o 50% de subvención da ANPA):

• Campamento completo: 121 €

• Quincena: 22 €

• Semana: 11 €

• Día solto: 3 €
  (Consulta no blog os prezos completos para non socios e outros servizos como comedor e madrugadores.)

📋 Inscricións:

• Aberta ata cubrir prazas (máximo 80 participantes).

• Darase prioridade por orde de inscrición:

  1. Alumnado socio/a da ANPA

  2. Alumnado do centro non socio

• A admisión será confirmada por parte da organización, indicando tamén o importe e prazo de ingreso.

• A realización dalgunha semana queda condicionada a alcanzar un mínimo de 15 participantes.

📌 IMPORTANTE:
O campamento celebrarase sempre que se poidan empregar as instalacións do centro e que se cubran os mínimos de alumnado.
Tanto a ANPA como a Xunta de Galicia colaboran na medida do posible, pero non son organizadores directos do campamento.

📞 Máis información e inscricións:
https://forms.gle/jr7R3XFoMacFGefM9. Se necesitarades contactar, podédelo facer no: 610 225 953 

Este verán, desfruta, aprende e comparte no Campa de Verán do CEIP ADR Castelao grazas á colaboración entre familias, entidades locais... e co apoio do Plan Corresponsables da Xunta de Galicia 💙

 

📢 Asemblea Ordinaria da ANPA – 13 de xuño de 2025

A ANPA convoca a todas as familias socias á Asemblea Ordinaria que terá lugar o xoves 13 de xuño de 2025 ás 21:00 h, nos baixos da Alameda.

Esta reunión é unha boa oportunidade para facer balance do curso, compartir propostas e participar nas decisións que afectan á nosa comunidade educativa.

Agardámosvos! A vosa participación é importante

Charla sobre o acoso escolar dentro do Plan Director

A ANPA infórmavos de que o próximo 9 de xuño ás 16:30 teremos no cole unha charla sobre o acoso escolar, enmarcada dentro do Plan Director para a convivencia e a mellora da seguridade nos centros educativos.

Este encontro está dirixido a familias e contará coa participación de especialistas en seguridade e educación. Abordaranse temas clave como:

• Que é o acoso escolar e como identificalo.

• Estratexias de prevención e intervención.

• O papel das familias e do centro educativo.

• Aspectos legais e medidas de protección.

Por que é importante asistir?

O acoso escolar é unha realidade que pode afectar a calquera neno ou nena, xerando consecuencias a nivel emocional, social e académico. Como familias, profesorado e sociedade, temos a responsabilidade de dotarnos das ferramentas necesarias para detectalo e actuar a tempo

Animamos a todas as familias a asistir e participar nesta charla informativa. Contamos con vós para construír un ambiente escolar máis seguro e respectuoso para todos e todas.

Se tedes algunha dúbida ou queredes máis información, contactade coa ANPA.

Esperámosvos!

Familias, preparádevos: chega a Super Acampada!

 

Queridas familias,

A próxima semana celebrarase a nosa Super Acampada, unha das actividades máis agardadas do ano! Unha experiencia única chea de diversión, natureza, xogo e convivencia para nenos e nenas.

Aínda quedan prazas dispoñibles, tanto para alumnado de Primaria do CEIP Castelao como tamén para os do Mesón e doutros centros. Non perdades esta oportunidade!

Aproveitade para facer a inscrición canto antes ( antes do 13 de maio) e asegurade unha praza para os vosos peques nesta aventura inesquecible.

Ligazón para a inscrición:

https://forms.gle/ir5NKCV45wkW1WHt6

Contamos convosco!

Programa Concilia – 2 de maio no CEIP ADR Castelao

 

Dende a ANPA queremos informarvos dunha nova actividade pensada para facilitar a conciliación das familias e ao mesmo tempo ofrecer unha xornada lúdica e educativa para os máis pequenos.

O vindeiro 2 de maio, no CEIP ADR Castelao (Ordes), celebrarase o Programa Concilia, cun horario de 9:00 a 14:30 h.

Durante a mañá, os nenos e nenas poderán gozar de:

• Manualidades
• Actividades ao aire libre
• Música
• Xogos tradicionais

Todo isto nun ambiente seguro e divertido, ideal para compartir con compañeiros e compañeiras do colexio.

Prezo da actividade: 5€

As inscricións xa están abertas! Podedes facelo escaneando o código QR que aparece no cartel ou contactando directamente a través do teléfono 610 225 953.

Animámosvos a participar e aproveitar esta oportunidade para que as crianzas pasen unha mañá diferente e chea de diversión!

Inscríbete xa!

Acampada no CEIP Castelao

Os días 16, 17 e 18 de maio a ADC As Mariñas organiza unha acampada no CEIP Castelao en Ordes para nenos e nenas de Educación Primaria. Será unha fin de semana con xogos, actividades ao aire libre e moita diversión.

As prazas son limitadas, así que anotádevos canto antes! Podedes consultar toda a información na imaxe adxunta e inscribirvos aquí:

🔗 Formulario de inscrición

Para calquera dúbida, escribide un WhatsApp ou chamade ao 610225953.

Esperámosvos! ⛺

Campamento de Semana Santa 2025

 Campamento de Semana Santa 2025

Desde a ANPA queremos compartir unha proposta  para esta Semana Santa! ADC As Mariñas organiza un Campamento de Semana Santa, unha oportunidade única para que os nenos e nenas desfruten de actividades lúdicas e educativas mentres se divirten e fan novas amizades.

📅 Datas: 14, 15, 16 e 21 de abril de 2025
🕘 Horario: De 9:00 a 14:30 horas
📍 Lugar: CEIP ADR Castelao
💰 Prezo:
➡ Día solto: 12€
➡ Campamento completo: 35€
🔹 Reserva de praza: Para garantir a praza, débese aboar un anticipo de 5€ en efectivo tras realizar a inscrición.

🎨 Actividades: Xs participantes gozarán de manualidades, busca de ovos de Pascua, música, xogos populares, pintacaras e moito máis! Un plan perfecto para gozar das vacacións escolares de maneira entretida e segura.

📌 Inscricións online: Reserva a túa praza agora a través do seguinte enlace:
👉 Formulario de inscrición

Non perdas esta oportunidade e anímate a participar! 🎉🐰🥚

8 de marzo: Día Internacional da Muller

O 8 de marzo é unha data para reivindicar a igualdade de dereitos e oportunidades entre mulleres e homes. Desde a ANPA queremos sumarnos a esta celebración, destacando a importancia da educación na construción dunha sociedade máis xusta e igualitaria.

As escolas e as familias desempeñan un papel fundamental na transmisión de valores de respecto, equidade e corresponsabilidade. Por iso, animamos a toda a comunidade educativa a participar en actividades que promovan a reflexión sobre a igualdade de xénero e a eliminación de estereotipos.

Este ano, organizanse diferentes iniciativas para conmemorar esta data, como contacontos sobre mulleres referentes, charlas, obradoiros e exposicións que nos axuden a visualizar a importancia do papel da muller na historia e na sociedade actual.

Queremos que esta celebración non sexa só un día no calendario, senón un compromiso diario coa igualdade. Xuntos e xuntas podemos contribuír a un futuro mellor para as novas xeracións.

🎭 Celebración do Entroido e Desfile polo Cole 🎭

O Entroido xa está aquí e na ANPA queremos festexalo con toda a comunidade educativa! Durante toda a semana, o Meco marcounos as súas ordes e os nenos e nenas tiveron que seguir os seus mandadiños con moita creatividade e diversión. Cada día trouxeron complementos especiais, seguindo as indicacións, para ir entrando no espírito do Entroido.

E para pechar esta semana tan especial, este venres 28 pola mañá, sairán a desfilar pola contorna do colexio, lucindo os seus disfraces grupais que levan preparando con tanta ilusión. Será unha xornada chea de cor, música e moita ledicia!

Animamos a todas as familias a achegarse para vernos e gozar xuntos deste momento tan divertido. Viva o Entroido! 🎉

Día de Rosalía

Un ano máis celebramos o Día de Rosalía con gran entusiasmo no noso colexio. Os rapaces e rapazas participaron en diversas actividades para homenaxear á nosa querida poeta Rosalía de Castro e a súa contribución á literatura galega.

Durante a xornada, realizáronse lecturas dos seus poemas máis emblemáticos, ilustracións inspiradas na súa obra e representacións teatrais baseadas nos seus escritos. Ademais, os estudantes tiveron a oportunidade de escribir os seus propios versos, fomentando así a creatividade e o amor pola lingua galega.

Foi un día cheo de emoción e aprendizaxe, onde todos e todas gozamos do legado de Rosalía e reforzamos a importancia da súa figura na nosa cultura.

Grazas a toda a comunidade educativa por participar e facer desta celebración un evento especial!

Campamento de Entroido 2025

Recordámosvos que aínda estades a tempo de anotarvos ao Campamento de Entroido! O prazo de inscrición estará aberto ata o venres, día 28 de febreiro de 2025.

O campamento terá lugar no colexio Castelao e estará cheo de actividades lúdicas e educativas para que os nenos e nenas poidan gozar desta festividade nun ambiente seguro e divertido.

Non perdades esta oportunidade de participar nunha experiencia única! Para máis información e inscricións, non dubidedes en contactar connosco.

Día da Paz: Educando para un mundo mellor

O

Día Escolar da Non Violencia e da Paz celébrase cada 30 de xaneiro, coincidindo co aniversario do falecemento de Mahatma Gandhi. Nesta data, os centros educativos de todo o mundo promoven valores como a tolerancia, o respecto e a convivencia pacífica.

Desde o ANPA, queremos destacar a importancia de educar en paz e para a paz, fomentando un ambiente escolar onde primen o diálogo e a empatía. Sabemos que a educación é a mellor ferramenta para construír unha sociedade máis xusta e solidaria, polo que animamos a todas as familias a participar nas actividades organizadas polo centro.

Convidamos a todas as familias a reforzar estes valores tamén na casa, ensinando aos nosos fillos e fillas que o respecto e a comprensión son o camiño para un futuro mellor. Porque a paz constrúese día a día, con pequenos xestos que marcan a diferenza.

¡Felíz Día da Paz!

Presentación da ANPA do CEIP ADR Castelao de Ordes

Benvidas e benvidos ao blog da ANPA do CEIP ADR Castelao de Ordes!

Somos unha asociación sen ánimo de lucro formada por nais, pais e titores legais do alumnado do centro. O noso principal obxectivo é colaborar co colexio para mellorar a experiencia educativa dos nosos fillos e fillas, promovendo actividades que complementen o seu aprendizaxe e fomenten a convivencia escolar.

Desde a ANPA, traballamos en diferentes ámbitos:

- Representación das familias: Servimos de ponte entre as familias e a dirección do centro, trasladando as nosas inquedanzas e propostas.

- Actividades extraescolares: Organizamos obradoiros, deportes e actividades culturais que permiten aos nenos e nenas desenvolver novas habilidades e compartir tempo con outros compañeiros.

- Eventos e celebracións: Participamos na organización de festas e actividades especiais ao longo do curso escolar.

- Colaboración co centro: Axudamos a mellorar os recursos educativos a través de iniciativas conxuntas co profesorado e o equipo directivo.

Animámosvos a participar activamente na ANPA! A vosa colaboración é fundamental para seguir mellorando a calidade educativa e o benestar dos nosos fillos e fillas. Se queredes estar ao día das nosas iniciativas ou propoñer novas ideas, podedes contactar connosco a través do noso correo electrónico ou seguirnos nas redes sociais.

Grazas por formar parte desta comunidade educativa!